Tuesday, December 15, 2015

1 Nefi 3

Pasal 3
Anak Lehi pulai ke Yerusalem dikena ngulih lambar temaga - Leban nulak nyerahka lambar - Nefi meransang enggau ngansak menyadi iya - Leban ngenchuri pemai sida lalu nguji munoh sida - Laman enggau Lemuel maluk Nefi enggau Sam lalu seduai dianuk ulih siko melikat. Kira-kira 600-592 S.K.

Lalu nyadi meh aku, Nefi, pulai baru ari bejaku enggau Tuhan ngagai langkau kain apai aku.
2 Lalu nyadi meh iya madah ngagai aku, ko iya: peda meh aku bemimpi siti mimpi; ti dalam nya Tuhan udah mesanka aku ngambik ke kitak patut pulai ke Yerusalem.
3 Peda meh, Leban bisi ngitong urang Yahudi enggau siti turun-menurun aki-ini aku, lalu sida diukir atas lambar temaga.
4 Nya alai, Tuhan udah mesanka aku awakka nuan enggau menyadi nuan patut pergi tama ke dalam rumah Leban, lalu ngiga lambar nya, lalu mai nya kitu ke dalam endur puang.
5 Lalu diatu, peda meh, menyadi nuan merungut, ko seduai nya utai tusah ti aku ngasoh ari seduai; tang peda meh ukai aku ngasoh seduai, tang nya pesan ari Tuhan.
6 Nya alai, jalai meh, anak aku, lalu nuan deka dikerinduka Tuhan, laban nuan enda merungut.
7 Lalu nya nyadi meh aku, Nefi, madah ngagai apai aku, aku deka mupok lalu ngaga utai ti udah dipesan Tuhan, laban aku nemu Tuhan enda meri pesan ngagai anak mensia, kelimpah Iya nyediaka siti jalai dikena sida ngambbika sida tau nembuk utai nya ti Iya mesanka ngagai sida.
8 Lalu nya nyadi meh lebuh apai aku ninga leka jaku tu, iya berasai gaga ati amat, laban iya nemu aku diberekat Tuhan.
9 Lalu aku, Nefi, enggau menyadi aku ngambik pejalai di dalam endur puang, enggau langkau kain kami, dikena mupok ke menoa Yerusalem.
10 Lalu nya nyadi meh lebuh kami udah mupok ke menoa Yerusalem, aku enggau menyadi aku berandau enggau pangan diri.
11 Lalu kami bebuai undi, sapa antara kami patut pergi tama ke dalam rumah Leban. Lalu nya nyadi meh undi nya labuh ke atas Laman; lalu Laman pergi tama ke dalam rumah Leban, lalu iya berandau enggau iya maia iya duduk dalam rumah iya.
12 Lalu iya dekaka ari Leban ngitong nya ti diukir atas lambar temaga, ti ngembuan turun-menurun apai aku.
13 Lalu peda meh, nyadi meh Leban nganu, lalu muruk iya ari pemisi iya, lalu iya enggai kami empu ngitong nya. Nya alai, iya madah ngagai iya: Peda meh, nuan siko penchuri, lalu aku deka munoh nuan.
14 Tang Laman rari pansut ari pemisi iya, lalu madahka semoa utai ti udah digaga Leban, lalu kami bepun berasai sedih amat, lalu menyadi ku nyau ka bepun pulai ke apai aku di dalam endur puang.
15 Tang peda meh, aku madah ngagai sida: Naka Tuhan idup, lalu naka kitai idup, kitai enda deka pergi ke apai kitai ba endur puang singga kitai udah nembuk utai nya ti Tuhan udah mesanka kitai.
16 Nya alai, awakka kita talok ngasi pesan Tuhan, nya alai awakka kitai pergi ke menoa pemai apai kitai; laban peda meh iya udah ninggalka emas enggau pirak, enggau semoa jenis pengaya. Lalu semoa tu iya udah ngaga ketegal pesan Tuhan.
17 Laban iya nemu Yerusalem patut dirusak; ketegal penyai rayat nya.
18 Peda meh, sida udah nulak leka jaku nabi. Nya alai, enti apai aku agi diau ba menoa nya sepengudah iya udah dipesanka rari pansut ari menoa nya, peda meh, iya mega deka munas. Nya alai, patut iya rari pansut ari menoa nya.
19 Lalu peda meh, nya penemu dalam Allah Taala kitai ngulih ngitong tu, ngambik ke kitai tau ngelikun jaku aki-ini kitai dikena anak kitai.
20 Lalu mega ngambik ke kitai ulih ngelikun nya ngagai sida leka jaku ti udah dipadah ulih mulut semoa nabi kudus, ti udah diberi ngagai sida ulih Roh enggau kuasa Allah Taala kenyau ari dunya bepun, sama belak sampai ke maia diatu.
21 Lalu nya nyadi meh, nitihka chara tu jaku aku mujok menyadi aku, ngambik ke sida engka talok dalam ngasi pesan Allah Taala.
22 Lalu nyadi meh kitai mupok ke menoa pemai kami, lalu kami ngempuru emas kami, enggau pirak kami, enggau utai berega kami.
23 Lalu sepengudah kami ngempuru utai tu, kami pulai baru ke rumah Leban.
24 Lalu nyadi meh kami mupok ngagai Leban, lalu dekaka awakka iya meri kami ngitong ti diukir atas lambar temaga, ti dikena nya kami meri ke iya emas kami, pirak kami, enggau utai berega kami.
25 Lalu nya nyadi meh lebuh Leban meda pemai kami, ti maioh amat, iya bisi penginging enggau nya, singga iya muruk kami pansut, lalu nganjong ulun iya dikena munoh kami, ngambik ke iya tau bulih pemai kami.
26 Lalu nyadi meh udah kami rar ari pemisi ulun Leban, lalu kami diasoh ninggalka utai pemai kami, lalu nya labuh dalam jari Leban.
27 Lalu nya nyadi meh kami rari ngagai endur puang, lalu ulun Leban enda ngepong kami, lalu kami belalai diri di dalam lengkap batu.
28 Lalu nyadi meh Laman nganu aku, enggau apai aku mega, lalu Lemuan pan, leban iya ninga leka jaku Laman empu. Nya alai, Laman enggau Lemuel bejaku maioh leka jaku keras ngagai kami, adik seduai, lalu seduai maluk kami, sama belak enggau dendan.
29 Lalu nyadi meh maia seduai maluk kami enggau dendan, peda meh, siko melilkat Tuhan datai lalu bediri di moa seduai, lalu iya nusi ngagai seduai, ko iya: Nama kebuah kita maluk adik kitak enggau siti dendan? Kitak enda nemu iya dipilih Tuhan dikena nyadi pemerintah atas kitak, lalu tu ketegal penyai kitak? Peda meh, kitak deka mupok baru ke Yerusalem, lalu Tuhan deka nyerah Leban ke dalam jari kitak.
30 Lalu sepengudah melikat nya bejaku enggau kami, iya pergi.

31 Lalu sepengudah melikat nya pergi, Laman enggau Lemuel bepun merungut baru, ko seduai: Kati Tuhan tau nyerah Leban ke dalam jari kitai?

No comments:

Post a Comment

Batang Injil - Tusun 3 - Juruselamat Kitai

Juruselamat Kitai Semina siko aja ke ulih nunjuk ke jalai bakani ulih pulai ngagai di Syurga. Sapa Iya nya? Nama kebuah patut ninga lalu ...