Batang Injil - Tusun 3 - Juruselamat Kitai

Juruselamat Kitai

Semina siko aja ke ulih nunjuk ke jalai bakani ulih pulai ngagai di Syurga. Sapa Iya nya? Nama kebuah patut ninga lalu nitih ke Iya?

Kitai Beguna ke Siko Pemimpin

Apai di Syurga nemu kitai deka nuntung macam-macam penanggul ba bumi tu. Kitai enda ingat ke pengidup ke begulai enggau Iya agi. Kitai enda ingat lalu enda nemu bakani ulih pulai ngagai Iya baru. Kitai deka ngereja maioh silap serta maioh penyalah. Kitai beguna ke tulung ngambika ulih badu' ngereja pengawa salah. Udah kitai ninggal ke bumi tu, kitai nadai agi tubuh ke bisi isi enggau tulang baka ke diatu.

Kitai beguna ke siko urang ngambika ulih nulung kitai ngatur penanggul tu. Urang tu deka ngajar kitai nama ke patut dikereja, awak ke ulih pulai baru ngagai Apai di Syurga. Iya mega deka mantu kitai ngatur sebarang penanggul serta ngampun penyalah ke udah digaga kitai. Iya deka nunjuk ke kitai siti chara bakani kitai ulih nerima tubuh ke bisi isi enggau tulang tu udah kitai parai ila. Urang tu dikumbai kitai Juruselamat, lban Iya aja ke ulih nyelamat ke kitai ari semua penyalah kitai, lalu ulih meri kitai tubuh ke bisi tulang enggau isi tu udah kitai parai ila.

Apai Kitai di Syurga Milih Jesus Nyadi Juruselamat Kitai

Apai di Syurga sayau amai ke kitai, lalu Iya nemu kitai beguna ke saup Iya. Iya mega nemu ktai deka tusah ati enti kitai nadai ulih nerima tubuh ke bisi isi enggau tulang, lalu nadai ulih begulai enggau Iya baru selama-lama ia. Iya deka milih siko urang nyadi Juruselamat kitai. Dua iku diri menyadi kitai udah mantai ke diri empu sanggup nyadi Juruselamat kitai.
Menyadi tuai kitai, nama Iya Jehovah. Jehovah tu nama Jesus Kristus lebuh kitai agi ba Syurga begulai enggau Allah Taala suba. Iya minta Apai di Syurga milih Iya, awak ke nyadi Juruselamat. Jesus madah, Iya deka datai ngagai bumi lalu ngajar kitai maioh pekara ti patut ditemu kitai awak ke nemu cara pulai baru ngagai Apai di Syurga. Iya deka nyerah ke nyawa kena penyalah kitai, lalu Iya enda deka mati. Iya mega ti meri pengidup baru udah kitai mati ila.
Iya deka ngelak ke kitai nitih peneka ati kitai sekalika kitai deka nitih tauka enggai nitih ke jako Apai di Syurga.
Jesus nemu ianya pemdau beguna amai kitai ulih netap ke pilih ati diri ngagai semua utai ke dikerja kitai. Enti kitai tu dipaksa ngerja pengawa tauka dipaksa ngasi ke Iya, kitai nadai ulih belajar, lalu enda ulih nyadi sama baka Apai enggau Indai kitai di Syurga. Jesus mega ingin ke Apai di Syurga bulih siti mulia enggau pemesai ari pengawa Jesus tu.
Siko da menydai kitai ianya Sitan tauka maianya dikumbai Lucifer mega minta Apai di Syurga milih iya nyadi Juruselamat kitai. Iya madah ke diri deka datai ngagai bumi tu lalu mansal semua urang nitih ke jaku iya ngambika semua kitai tu nadai tesat. Iya enda nyuruh kitai nitih ke peneka ati kitai ngaga pengawa. Ari pengawa iya nya, iya minta Apai kitai di Syurga meri iya mulia enggau pemesai kuasa. Lucifer deka nyadi allah.
Laban Apai di Syurga sayau ke kitai, Iya milih Jesus nyadi Juruselamat kitai. Iya enggai meda kitai lenyau ari hak kuasa milih nitih ke peneka ati kitai. Iya nemu kitai mesti ngaga utai ke badas nitih ke peneka ati kitai, lalu ukai nitih ke paksa ari urang bukai.

Jako Tanya Ngagai Kita:
Nama ke deka digaga Jesus ngagai kitai?
Nama ke deka digaga Sitan?
Nama kebuah Apai di Syurga milih Jesus nyadi Juruselamat kitai?

Jesus Nya Juruselamat Sereta Pemimpin Kitai

Lebuh Apai di Syurga milih Jesus nyadi Juruselamat kitai, dia Sitan ringat amai. Dia iya mai satu petiga ari raban roh di Syurga ke iya. Sida ngelaban Jesus enggau bala raban Iya. Sitan enggau raban iya minta Allah Taala nitih ke perambu Sitan nya. Allah Taala lalu muai Sitan enggau raban iya ari Syurga laban sida ngelaban perambu Iya.

Sitan enggau bala iya enda nerima tubuh ke bisi isi enggau tulang. Sida enda agi diterima ngagai perintah Syurga lalu enda ulih begulai idup enggau Apai di Syurga agi. Semina sida ke nerima Jesus nyadi Juruselamat sida, ulih nerima tubuh ke bisi tulang enggau isi tu.

Kitai udah nerima tubuh ke bisi isi enggau tulang tu, ari nya, kitai nemu kitai udah milih Jesus nyadi Juruselamat kitai maia kitai di Syurga din suba. Kitai udah ngaga siti pilih ke betul maia nya suba. Nya alai kitai patut seruran milih utai ke betul sereta ngaga utai ke badas ba bumi tu. Kitai patut nitih ke Jesus. Iya ulih ngajar kitai bakani kitai ulih pulai baru ngagai Apai di Syurga. Iya ulih nyaup kitai ngatur pengawa salah kitai lalu mantu kitai ngerja pengawa ke badas sampai ke kitai ulih nyadi baka Apai di Syurga.

Jako Tanya Ngagai Kita:
Bakani kitai tau nemu kitai udah milih Jesus nyadi Juruselamat kitai?
Sapa ke ulih nunjuk ke kitai bakani cara pulai baru ngagai Apai kitai di Syurga?
Nama kebuah kitai patut nitih Jesus?

Injil ke tau dikena ba ajar tu:

Kitai Beguna Ke Siku Pemimpin
John 14:6 (Kitai mesti nitih ke Jesus enti deka pulai baru ngagai Apai di Syurga.)
1 Peter 2:21 (Kitai mesti nitih langkah Jesus.)
2 Nefi 31:13, 16 (Enti kitai nitih ke teladan Juruselamat, kitai deka selamat.)

Apai Kitai Di Syurga Milih Yesus Nyadi Juruselamat Kitai
1 John 4:14 (Allah Taala milih Jesus nyadi Juruselamat kitai.)
2 Nefi 9:6-26 (Jesus nyerah ke nyawa Iya ketegal kitai.)
3 Nefi 27:13-30 (Jesus datai ke bumi tu nyadi Juruselamat kitai.)

Jesus Nya Juruselamat Sereta Pemimpin Kitai
Matthew 1:21 (Jesus datai ngambika ulih nyelamat kitai ari dosa kitai.)
3 Nefi 11:10-11 (Jesus ngambi ke atas diri Iya empu lalu nanggung semua penyalah ke udah digaga kitai mensia.)
3 Nefi 18:16 (Jesus udah nunjuk ke siti teladan ngagai kitai awak ke kitai ulih nitih ke chunto Iya.)
3 Nefi 27:21 (Jesus udah nunjuk ngagai kitai nama ke patut dikerja kitai.)

Penyalin tu enda diasoh tauka dikemendar ari Gerija Jesus Kristus Urang Tuchi Dudi Ari. Pengawa ti bendar dalam jaku Inggeris ulih dibacha ditu.
This is not an official or authorized translation from the Church of Jesus Christ of Latter Day Saints. The official work in English can be read here.

Batang Injil - Tusun 2 - Pengidup Ba Syurga

Pengidup Ba Syurga

Kala ke enda kitai idup apin kitai ada ke dunya tu? Dini alai kitai diau maia nya? Nama utai ke dikereja kitai maia kitai din?

Tiap Iko Kitai tu Anak Allah Taala

Apin kitai adai ke dunya tu, kitai udah idup ba Syurga din. Endur kitai ba Syurga juah lebih manah ari semua utai ba dunya tu. Kitai begulai diri sebilik ba Syurga din. Kitai bekunsi pengerindu enggau diri sama diri, lalu kitai diau lantang senang. Allah Taala nya Apai kitai. Ari nya, Iya kasih serta ngambi berat ke setiap iko kitai. Ba Syurga din mega kitai bisi Indai.

Tiap iko mensia ba bumi tu sama menyadi kitai ba Syurga din suba. Anak tuai dalam raban kitai sebilik maia ba Syurga din suba ianya Jesus Kristus. Iya meh menyadi tuai kitai.

Maia kitai ba Syurga, kitai nadai ngembuan tubuh ti bisi isi enggau tulang baka ke diatu. Kitai semina idup dalam roh tauka semengat aja. Semengat kitai sama baka langkar tubuh kitai mensia mega. Lebuh kitai agi roh tauka semengat, kitai ulih berandau enggau diri sama diri, mindah kin-kitu, nitih ke peneka ati, serta ngelala utai ke manah enggau utai ke jai.

Semua kitai bisi penyelai ari siko sama siko maia kitai di Syurga din. Kitai bebeda sama baka kitai diatu. Kitai mega bisi pengingin ati serta bisi pengelandik ke enda sebaka. Kitai mega ngena pengelandik nya enggau cara ke bebeda-beda.

Jako Tanya Ngagai kita:

Bakani gaya tempat Syurga alai kitai diau suba?

Sapa menyadi tuai kitai?

Apai Kitai di Syurga nemu kitai ulih nyadi baka Iya

Laban Allah Taala sigi Apai kitai, Iya ngelala tiap iko kitai ke anak Iya. Iya rindu serta sayau ke kitai. Iya mega nemu kitai udah nerima pengelandik ti diberi Iya, dikena kitai belajar ke semua penemu ti dikemisi' Iya, awak ulih nyadi baka Iya. Iya deka ke semua kitai badas baka Iya. Iya mega deka nulung kitai ngangkat ke penemu kitai ngambika ulih nyadi baka Iya.

Jako Tanya Ngagai kita:

Kati ulih kitai belajar semua penemu ti dikemisi' ke Apai kitai di Syurga lalu nyadi baka Iya?

Nama asai ati nuan lebuh nuan nemu Allah Taala tu Apai kitai di Syurga?

Kitai semua udah begulai idup sama ba syurga.

Apai Kitai di Syurga udah ngaga siti Perambu dikena Mantu Kitai

Maia kitai di syurga suba, kitai belajar maioh macam pekara serta ngerembai ke pengelandik diri enggau naka ke ulih kitai; tang taja bakanya maioh ga' pekara bukai ti enda ulih dipelajar serta dikereja kitai maia nya suba. Apai ba Syurga ngaga siti perambu ngambika kitai ulih ngerembai ke pengelandik kitai.

Apai di Syurga lalu ngangau ke semua kitai lalu mai kitai baum ba Syurga din. Semua kitai datai magang. Iya nerang ke perambu Iya dikena mantu kitai belajar, lalu Iya madah ke kitai, enti kitai nitih ke perambu Iya, kitai deka nyadi baka Iya.

Apai di Syurga deka ngaga siti tempat tauka bumi alai kitai ulih diau sementara. Maia kitai di bumi, kitai enda ingat ke pengidup kitai ke begulai enggau Apai di Syurga suba. Kitai ulih milih utai ke manah tauka jai. Tu meh siti ari penguji dikena kitai mantai ke diri sekalika deka nitih ke Allah Taala maia kitai enda begulai enggau Iya agi.

Nitih ke perambu Iya, kitai deka nerima tubuh ke bisi isi enggau tulang tu. Kitai beguna ke tubuh baka tu awak ke kita ulih belajar semua penemu ti bisi dikembuan Allah Taala lalu ulih ngereja pengawa ti dikereja Iya. Lebuh tempuh udah datai ila, kitai deka mati lalu roh kitai deka ninggal ke tubuh tu. Udah nya, roh kitai deka begulai baru enggau tubuh kitai, lalu kitai nadai deka mati agi. Barang sapa ke udah ngereja pengawa ke disuruh Iya gaga', deka pulai idup baru enggau Iya dalam pengidup ke meruan belama-lama ia.

Kitai mega udah belajar ianya tiap iko kitai deka besatup enggau penanggul ba dunya tu, baka penyakit, pemerinsa, pemedis serta pemati. Taja bakanya, kitai nemu kitai belajar ari semua pengalaman ba pengidup tu. Penanggul ke ditempuh kitai tu ulih ngajar kitai reti pengidup serta ulih mai pengerindu. Penanggul mega ulih mantu kitai ngambika ulih nulung diri sama diri ba pengidup ba dunya tu.

Apai di Syurga deka milih siti hari enggau tempat ba dunya tu alai kitai diada ka. Iya ngelala segenap tempat ba dunya tu, lalu Iya nganjung kitai ka ngambika ke kitai ulih belajar ke semua utai ke patut ditemu kitai. Kitai semua deka bisi peluang ngereja maioh macam pekara. Iya deka ke kitai ngereja utai ke manah, lalu pulai ngagai Iya baru. Taja bakanya, Iya enda mansal kitai ngereja pengawa tang nitih ke peneka ati kitai.

Sekeda kitai deka milih lalu ngasi ke Iya. Enti kitai ngasi ke Iya, kitai uilh nyadi sesemak agi baka Iya lalu ulih idup begulai enggau Iya baru. Bisi sekeda enggai ngasi ke Iya lalu sida tu enda pulai idup baru enggau Iya.

Lebuh kitai udah ninga perambu Iya nya, kitai berasai gaga ati. Kitai deka belajar serta ngerembai ke penemu kitai ke udah bisi nya. Nya alai, tiap iko kitai ke ba bumi tu udah besetuju deka idup nitih ke perambu Apai kitai di Syurga.

Jako Tanya Ngagai kita:

Nama perambu Apai kitai di Syurga ke semua kita?

Nama kebuah kitai mesti ninggal ke Syurga?

Nama ke disuruh Apai kitai di Syurga gaga' kitai ba bumi tu?

Injil ke tau dikena ba ajar tu:

Tiap Iko Kitai Tu Anak Allah Taala

Luke 24:39 (Roh nadai tubuh ti digaga ari daging enggau tulang.)
Hebrew 12:9 (Allah Taala nya Apai ngagai roh tau semengat kitai.)

Apai Kitai di Syurga Nemu Kitai Ulih Nyadi Baka Iya

Matthew 5:48 (Jesus udah ngansak kitai awak ke nyadi sama sebaka enggau Apai kitai di Syurga.)
3 Nefi 12:48 (Jesus udah ngasank kitai ngambika kitai ulih sempurna baka iya, lalu sama sebaka enggau Apai di Syurga mega.)
3 Nefi 27:27 (Kitai patut nitih ke chuntoh Jesus Kristus, lalu nyadi sama sebaka enggau Iya.)

Apai Kitai Di Syurga Udah Ngaga Siti Perambu Dikena Mantu Kitai

John 14:2-3 (Allah Taala udah besemaia deka meri kitai chara bakani ulih pulai ngagai Iya.)
Kereja Rasul 17:24-31 (Allah Taala nganjung kitai ngagai sekeda endur ba bumi tu nitih ke masa ti udah ditentu ke Iya ba perambu Iya nya.)
1 Nefi 17:36 (Bumi tu digaga' awak ka bala anak Apai di Syurga ulih diau dia.)
2 Nefi 9:13 (Allah Taala ngaga siti perambu dikena nulung kitai.)
Alma 34:9 (Perambu ke diberi Allah Taala ke kitai nya madah ke chara bakani kitai ulih pulai baru ngagai Iya.)
Alma 42 (Allah Taala bisi siti perambu ngagai kitai.)

Penyalin tu enda diasoh tauka dikemendar ari Gerija Jesus Kristus Urang Tuchi Dudi Ari. Pengawa ti bendar dalam jaku Inggeris ulih dibacha ditu.
This is not an official or authorized translation from the Church of Jesus Christ of Latter Day Saints. The official work in English can be read here.

Batang Injil - Tusun 1 - Allah Taala Endang Bisi

Allah Taala Endang Bisi

Kadang-kadang urang selalu nanya diri empu: Bisi ke Tuhan? Enti bisi, bakani meh gamal Iya? Bakani aku ulih ngelala Iya deh?
Maioh amai pekara ke nunjuk ke kitai ianya Allah Taala tu endang bisi

Lebuh kitai meda semua utai ke badas-badas ba perua' (bumi) tu, kitai nemu semua utai tu udah digaga urang ke pemadu pintar. Lebuh kitai meda pemanah dunya tu, kitai nemu dunya tu udah digaga olih jari urang ke landik serta bepenemu. Maia malam hari, lebuh kitai nengkadah ke langit, lalu meda bintang, serta mega meda bintang ngayap ke empelesit ba langit din, kitai nemu semua utai tu digaga serta dikuasa ulih sikko urang ke pemadu bekuasa. Tuhan udah ngaga semua utai tu.

Bisi sekeda mensia ke lurus ati, udah meda serta bejako enggau Allah Taala. Sida madah ke kitai pendiau Allah Taala, lalu Iya mega deka ke semua kitai ngelala Iya, serta nitih ke jako Iya. Bala sida ke lurus ati tu, udah nulis bub tauka kitab-kitab tuchi, awak ke kitai ulih belajar pasal Allah Taala.

Tiap iko kitai ulih mereti, lalu nemu Allah Taala tu sigi idup, lalu Iya sigi bisi. Iya deka mantu kitai awak ke lebih nemu enggau dalam agi pasal Iya ke endang bisi, lalu Iya deka meri kitai pengingin ati, awak ke kitai ulih ngelala Iya enggau semak agi.

Jako Tanya Ngagai kita:
Nama sedeka utai ke nunjuk ke kitai ianya Allah Taala tu bisi?

Allah Taala siko urang ti sempurna
Urang tuchi ti udah kala meda Allah Taal bisi nyebut, gamal Iya sama sebaka enggau kitai mensia. Tubuh Iya perencing. Pemurak enggau pemadas gamal Iya, lebih agi mulia, nadai ulih dibanding ke kitai.

Iya ukai patung tauka utai idup ke bukai. Iya ukai mega Roh. Iya bisi tubuh ti betulang serta bisi isi. Langkar tubuh iya baka kitai mensia tang  bisi penyelai. Tubuh Iya nadai ulih mati. Tubuh Iya nadai ulih pedis tauka kena penyakit.

Allah Taala ulih meda serta ninga kitai. Iya ulih berandau enggau kitai, lalu kitai mega ulih berandau enggau Iya.

Allah Taala ngaga matahari, bulan, enggau bintang.

Iya bisi pengasal ati. Iya ulih ngasai ke pengerindu tauka penyinu. Iya kasih ke semua kitai, lalu Iya deka ke semua kitai lantang pendiau. Iya mega enda beciping ati serta nelap enggau kitai. Iya ngaga pengawa ke manah lalu bejako pasal utai ke amai aja. Iya nemu semua utai. Iya mega ulih ngerja maioh macam pekara.

Kitai patut nyembah Allah Taala aja. Iya idup ba siti tempat kumbai kitai Syurga. Tempat tu jauh lebih badas ari perua' tu.

Jako Tanya Ngagai kita:

Bakani gaya Allah Taala?

Bakani Iya bebeda ari kitai?

Allah Taala Mantai ke Pengasih-sayau Iya ngagai kitai ngena maioh macam chara.

Allah Taala ngena kuasa Iya nulung kitai. Iya ngaga langit enggau dunya alai kitai diau tu. Iya ngaga matahari, bulan enggau bintang. Iya mega ngaga semua utai tumbuh enggau jelu ba dunya tu. Iya ngaga kitai sama sebaka enggau gamal Iya. Iya ngaga semua utai ba dunya tu laban iya sayau ke kitai. Iya deka nulung kitai mensia ngerja pengawa manah lalu diau lantang ba pengidup kitai tu.

Allah Taala ngena pengelandik Iya dikena mantu kitai. Iya nemu sebarang utai ke udah nyadi. Iya mega nemu nama utai ke benung nyadi. Lalu Iya mega nemu nama utai ti deka nyadi. Iya ulih macha nama utai ba runding kitai. Laban Iya nemu semua utai, Iya nemu nama utai ti patut ditulung Iya ngagai kitai, ngambika kitai bulih pengidup ke lantang. Iya nemu, enti kitai deka bulih pengelantang, kitai patut ngembuan ulah badas. Iya deka mantu kitai nyadi manah laban Iya sayau ke kitai.

Jako Tanya Ngagai kita:

Bakani Allah Taala mantai ke kasih-sayau Iya ngagai kitai?

Allah Taala deka semua kitai ngelala Iya

Laban Allah Taala amai sayau ke kitai, Iya udah meri nyawa Iya ngagai kitai serta mega meri bumi ti badas tu nyadi tempat alai kitai diau. Iya deka ke semua kitai ngelala serta mereti ke pengawa ke patut dikerja kitai. Iya udah besemaia, kitai deka ngelala Iya.

Tusun pengawa ke tau mantu kitai ngelala Allah Taala enggau dalam agi:

1. Kitai ulih merati ke dunya ti udah digaga Allah Taala lalu meri terima kasih ngagai Iya.
2. Kitai ulih pecaya, Allah Taala endang bisi, lalu Iya kasih ke kitai.
3. Kitai ulih macha kitab ke ditulis urang tuchi pasal Allah Taala.
4. Kitai ulih belajar serta ngerja pengawa ke disuruh Allah Taala gaga serta dipelajar ke kitai.
5. Kitai ulih bejako enggau Allah Taala, lalu minta bantu Iya, awakka Iya ulih nulung kitai ngelala Iya.

Penemu kitai pasal Allah Taala ulih mantu kitai mereti agi ke pengidup kitai tu. Enti kitai ngelala Allah Taala, dia kitai deka nemu Iya ulih mantu kitai nyadi urang badas serta diau dalam pengelikun. Kitai mega nemu Iya badas amai ngagai kitai, lalu Iya enda deka ngelak ke pekara ke jai nuntung kitai. Kitai ulih belajar ke semua pekara ti endang disuruh Iya pelajar kitai. Kitai ulih belajar bakani chara kitai minta bantu ari Iya. Kitai ulih nyadi mensia ke badas serta bisi pengaga ati ba pengidup tu.

Jako Tanya Ngaga kita:

Nama utai ke patut dikerja kitai ngambika ulih ngelala Allah Taala?

Nama pemanah ti diasai ke kitai enti kitai ngelala Allah Taala?

Injil ke tau dikena ba ajar tu:

Maioh amai pekara ke nunjuk ke kitai ianya Allah Taala tu endang bisi
Kereja Rasul 7:55-56 (Siko nabi udah meda Allah)

Allah Taala Siko Urang ti Sempurna
Pemungkal 1:26-27 (Mensia digaga sama sebaka enggau gamal Allah Taala

Allah Taala Mantai ke Kasih-sayau Iya Ngagai Kitai ngena maioh Macam Chara
Pemungkal 1:1-25 (Allah Taala ngaga langint enggau bumi, enggau maioh utai ke dalam nya.)
Luke 12:6-7 (Allah Taala rindu ke semua utai ke digaga Iya.) 

Allah Taala Deka Kitai Ngelala Iya
Ulang Adat 4:29 (Sida ke nguji deka ngelala Allah Taala, deka ngelala Iya.)
John 17:3 (Kitai ulih ngelala Allah Taala.)
1 John 2:3 (Enti kitai ngasi ke Allah Taala, kitai ulih ngelala Iya.)
Mosia 4:9 (Kitai patut pecaya ke Allah Taala.)

Penyalin tu enda diasoh tauka dikemendar ari Gerija Jesus Kristus Urang Tuchi Dudi Ari. Pengawa ti bendar dalam jaku Inggeris ulih dibacha ditu.
This is not an official or authorized translation from the Church of Jesus Christ of Latter Day Saints. The official work in English can be read here.

Moroni 10

Moroni Pasal 10

Siti saksi Bup Mormon datai nengah Roh Kudus - Pemeri Roh dibagi ngagai urang ke arap - pemeri rohani semampai nunda pengarap - leka jaku Moroni empu bejaku ari abok - Datai meh ngagai Kristus, disempurnaka dalam Iya, lalu nguduska ayu kitak. Kira-kira 432 U.K.

Diatu aku, Moroni, nulis mimit ti manah dikena aku; lalu aku nulis ngagai menyadi aku, urang Laman; lalu aku dekaka sida patut nemu lebih ari empat ratus dua puloh taun udah pansa kenyau ari tanda nya udah diberika pasal penatai Kristus.

2 Lalu aku ngelikunka ngitong tu, sepengudah aku bejaku sekeda leka jaku enggau chara jaku lalau ngagai kitak.

3 Peda meh, aku deka meransang kitak lebuh kitak deka macha utai tu, enti bisi penemu dalam ari Allah Taala kitak patut macha iya, awakka kitak deka ngingat berapa Allaha Tallah udah kasihka anak mensia, ari pengaga Adam, sama belak singga masa kitak deka nerima utai tu, lalu berundingka iya di dalam ati kitak.

4 Lalu lebuh kitak deka nerima utai tu, aku deka meransang kitak tanya meh Allah Tallah, Apai Ti Meruan, enti utai tu enda bendar; lalu enti kitak nanya enggau ati ti lurus, enggau julok ati amat, bepengarap dalam Kristus, Iya deka nyata pemendar nya ngagai kitak, nengah kuasa Roh Kudus.

5 Lalu nengah kuasa Roh Kudus, kitak ulih nemu pemendar semoa utai.

6 Lalu utai ti manah ialah lurus sereta amat; nadai utai manah nyangkal Kristus, tang ngaku iya meh bisi.

7 Lalu kitak ulih nemu Iya bisi, nengah kuasa Roh Kudus, nya alai aku dekaka meransang kitak enda nyangkal kuasa Allah Taala, laban Iya bekerja ngena kuasa, nundakka pengarap anak mensia, ti sebaka saritu, pagilah, enggau belama-lama ia.

8 Lalu mega, aku meransang kitak, menyadi ku, awakka kitak enda nyangkal pemeri Allah Taala; laban bisi maioh, lalu sida datai ari Allah Taala sama. Lalu bisi chara bukai dikena pemeri tu diberi; tang Allah Taala ti sama ngerjaka semoa diperunding; lalu sida diberi ulih penyata ari Roh Kudus ngagai mensia; dikena nguntungka sida.

9 Peda meh, ngagai siko diberi nengah Roh Tuhan, awakka iya ulih ngajar jaku pintar.

10 Lalu ngagai ti bukai, awakka iya ulih ngajar jaku penemu nengah Roh sama.

11 Lalu ngagai ti bukai, pengarap besai amat, lalu ngagai ti bukai, pemeri ngeraika nengah Roh sama.

12 Lalu sekali da, ngagai ti bukai, awakka iya ulih ngerjaka utai ti muntang.

13 Lalu sekali da, ngagai ti bukai, awakka iya tau nusui pasal semoa utai.

14 Lalu sekali da, ngagai ti bukai, genera melikat enggau semengat ti mela.

15 Lalu sekali da, ngagai ti bukai, semoa jenis jaku.

16 Lalu sekali da, ngagai ti bukai, pengereti jaku enggau jenis jaku nyelai magang.

17 Lalu semoa pemeri tu datai ulih Roh Kudus, lalu sida datai ngagai tiap-tiap iko enggau chara siko-siko nundakka peneka Iya.

18 Lalu aku deka meransang kitak, menyadi ku ti dikerinduka, awakka kitak ngingat tiap-tiap pemeri manah datai ari Kristus.

19 Lalu aku deka meransang kita, menyadi ku ti dikerinduka, awakka kitak ngingat Iya endang sebaka kemarik, saritu, enggau belama-lama ia, lalu semoa pemeri tu ti udah ditusi aku, endang pasal semengat, enda kala deka abis, seagi dunya tu deka bediri, semina nitihka penadai pengarap anak mensia.

20 Peda meh, patut bisi iman; lalu enti bisi iman patut bisi pengarap mega; lalu enti bisi pengarap patut bisi pengerindu.

21 Lalu enti kitak nadai pengerindu kitak enda tau diselamat dalam perintah Allah Taala; tauka tau diselamatka dalam perintah Allah Taala enti kitak nadai iman; tauka tau kitak enti nadai pengarap.

22 Lalu enti kitak nadai pengarap kitak patut nyesal ati; lalu penyesal ati datai meh ketegal penyai.

23 Lalu Kristus bendar madah ngagai apai kitai: Enti kitak bisi iman kitak ulih ngaga semoa utai ti lantik ari aku.

24 Lalu diatu aku madah ngagai semoa pengujung bumi tu - enti ari nya datai maya kuasa enggau pemeri Allah Taala deka diambis ari kitak, nya meh nyadi ketegal kitak nadai pengarap.

25 Lalu adih ngagai anak mensia enti tu alai nya; laban nadai urang antara kitak ti ngaga utai manah, ukai siko urang. Laban enti bisi siko urang antara kitak ti ngaga utai manah, iya deka ngereja olih kuasa enggau pemeri Allah Taala.

26 Lalu adih ngagai sida ti deka ngambiska utai tu lalu mati, laban sida deka mati dalam dosa kediri empu, lalu sida enda tau diselamat dalam perintah Allah Taala, lalu aku bejaku nya nitihka leka jaku Kristus; lalu aku enda bula.

27 Lalu aku meransang kitak awakka ngingat utai tu; laban masa datai enggau jampat awakka kitak deka nemu aku enda bula, laban kitak deka meda aku ba mija pengukum Allah Taala; lalu Tuhan deka madah ke kitak: Ukai aku udah madahka leka jaku ngagai kitak, ti ditulis olih laki tu, baka siko urang ti nyabak ari mati, au, sama belak siko urang ti bejaku ari abu?

28 Aku bejadika utai tu sampai pengamat jaku benabi. Lalu peda meh, sida deka pansut ari mulut Allah Taala ti meruan; lalu leka jaku iya deka mengong ari serak seserak.

29 Lalu Allah Taala deka mantaika kitak, utai ti ditulis aku endang amat.

30 Lalu agi aku deka meransang kitak awakka kitak datai ke Kristus, lalu megai tiap tiap pemeri ti manah, lalu anang meh nyentok pemeri ti jai, enda mega utai ti enda tuchi.

31 Lalu dani meh, lalu angkat meh ari abu, O Jerusalem; au, lalu ngena pegari nuan ti bajik, o anak indu Sion, lalu keringka meh tiang bantil nuan lalu ngemesai meh pinggir belama-lama ia, awakka nuan ulih enda agi dikacau, awakka semaia ti Apai ti Meruan udah ngaga ngagai nuan, O rumah Israel, ulih diamatka.

32 Au, datai meh ke Kristus, lalu disempurnaka dalam Iya, lalu tulak meh kediri ari semoa penadai taluk.

33 Lalu agi, enti kitak olih pengasih Allah Taala nyadi sempurna dalam Kristus, lalu nadai tulak kuasa iya, nyadi kitak dituchi dalam Kristus olih pengasih Allah Taala, nengah pengasuh darah nyaya Kristus, ni siti dalam semaia Apai sampai pengampun dosa kitak, ngambik ke kitak nyadi tuchi, nadai penimpang.

34 Lalu diatu, aku madah ke kitak magang, selamat diau. Aku enda lama agi pergi belalak ba Kebun Allah Taala, sampai semengat enggau badan aku deka besatu baru, lalu aku dibai dalam pemenang olih anging, dikena betemu enggau kitak depan mija pengukum Yehova ti besai enggau ngenyamaika, Akim Meruan atas urang ti idup enggau ti mati. Amin.

1 Nefi 7

Anak Lehi pulai ke Yerusalem enggau jemput Ismael enggau sebilik iya dikena nitih sida dalam pejalai sida - Laman enggau urang bukai ngelaban - Nefi meransang menyadi iya bepengarap dalam Tuhan - Sida ngikat iya enggau tali lalu ngaga perambu pengelus iya - Iya dilepas ulih kuasa pengarap - menyadi iya minta pengampun - Lehi enggau gerempung iya ngaga korban enggau sedekah angus. Kira-kira 600-592 S.K.

1 Diatu, aku dekaka kitak nemu, sepengudah apai ku, Lehi, udah badu nilit pasal bala peturun iya, nyadi meh Tuhan nusi ngagai iya, ko iya, enda patut ngaga iya, Lehi, awakka iya deka ngambik sebilik iya ke dalam endur puang besiko, tang awakka anak laki iya ulih bebini anak indu, awakka sida ulih ngangkat bala peturun ngagai Tuhan dalam tanah disemaia.

2 Lalu nyadi meh Tuhan mesanka iya awakka aku, Nefi enggau menyadi ku patut pulai baru ke nengeri Yerusalem, lalu mai Ismael enggau sebilik iya ke endur puang.

3 Lalu nyadi meh aku, Nefi, sekali da, enggau menyadi ku, mupok ke dalam endur puang dikena pergi ke Yerusalem.

4 Lalu nyadi meh kami pergi ke rumah Ismael, lalu kami dirinduka dalam pemeda mata Ismael, naka kami bejaku ngagai iya jaku Tuhan.

5 Lalu nyadi meh Tuhan ngelembut ati Ismael empu, lalu bilik iya mega, naka nya sida segau-segau bejalai enggau kami ke dalam endur puang ngagai langkau kain apai ku.

6 Lalu nyadi meh maia kami segau-segau bejalai dalam endur puang, peda meh Laman enggau Lemuel enggau dua anak indu Ismael, enggau dua anak laki Ismael enggau sebilik sida iya, ngelaban kami; au enggau aku, Nefi, enggau Sam, enggau apai sida, Ismael, enggau bini iya enggau tiga anak indu bukai iya.

7 Lalu nyadi meh maia pengelaban nya, sida dekaka pulai ke nengeri Yerusalem.

8 Lalu diatu, aku, Nefi, benung tusah ati, nya alai aku nusi ngagai sida, au, sama belak ngagai Laman enggau Lemuel: Peda meh perunding kitak, ngambik ke kitak bengunaka aku, adik kitak, patutkah bejaku ngagai kitak, au lalu meri chontoh ngagai kitak?

9 Kati kitak enda ninga jaku Tuhan?

10 Kati kitak enda ngingat kitak udah meda siko melikat Tuhan?

11 Kati kitak enda ngingat utai ke bada ti digaga Tuhan dikena kitai dalam pengelpas kitai ari jari Leban, lalu mega kitai patut ngulihka ngitong nya?

12 Au, lalu kati kitak enda ngingat Tuhan tau ngaga semoa utai nitihka peneka iya, dikena anak mensia, enti sida deka bepengarap dalam iya? Peda meh, awakka kitai arapka iya.

13 Lalu enti kitai ngarapka iya, kitai deka ngulih tanah disemaia, lalu kitak deka nemu maia siti timpoh masa ila, jaku Tuhan deka tembuk pasal pengerusak Yerusalem, laban semoa utai ti Tuhan udah bejaku pasal pengerusak Yerusalem patut ditembuk.

14 Peda meh, Roh Tuhan badu diau enggau sida enda lama agi, nya alai sida udah nulak nabi; lalu Jeremiah udah dibuai ke dalam rumah tutup. Lalu sida udah nguji ngambik pengidup apai ku, naka nya sida muru iya pansut ari nengeri.

15 Diatu peda meh, aku madah ke kitak enti kitak pulai ke Yerusalem, kitak deka mati enggau sida iya. Lalu diatu, enti sida bisi pemilih, pergi meh ke tanah nya, lalu ingat meh leka jaku ti aku bejaku ngagai kitak, enti kitak pulai, kitak mega deka mati; laban Tuhan ngasoh aku patut bejaku pia.

16 Lalu nyadi meh lebuh aku, Nefi, udah madah leka jaku tu ngagai menyadi ku, sida nganu enggau aku. Lalu nyadi meh seduai ngulur jari seduai ngagai aku, laban peda meh, sida nganu amat, lalu seduai ngikat aku enggau tali, laban seduai dekaka ngambik pengidup ku, awakka seduai engka ninggal aku dalam endur puang dikena dipajoh jelu liar.

17 Tang nyadi meh aku besampit ngagai Tuhan, ko: O Tuhan, nitihka pengarap ku ti dalam nuan, deka kah nuan ngelepaska aku ari jari menyadi ku, au, sama belak meri aku pengering awakka aku tau mumbus tali tu ti ngikat aku?

18 Lalu nyadi meh lebuh aku madah leka jaku tu, peda meh, tali nya dilepas ari jari enggau kaku aku, lalu aku bediri di moa menyadi ku, lalu bejaku baru ngagai sida.

19 Lalu nyadi meh sida nganu baru enggau aku, lalu sida nguji ngulur jari seduai ngagai aku, tang peda meh, siko anak indu Ismael, au, enggau indai iya mega, enggau siko anak laki Ismael, sida iya minta ari menyadi ku, naka nya sida ngelembutka ati seduai, lalu seduai badu nguji ngambik pengidup ku.

20 Lalu nyadi meh seduai tusah ati, ketegal penyai seduai, naka nya seduai nundokka pala di moa aku, lalu seduai minta pengampun ari aku awakka aku ngampun seduai ari utai ti digaga seduai enggau aku.

21 Lalu nyadi meh aku ngampun enggau bendar seduai ari semoa utai ti digaga seduai, lalu aku meransang seduai besampit ngagai Tuhan Allah Taala seduai dikena pengampun. Lalu nyadi meh seduai ngaga pia. Lalu sepengudah seduai badu besampit ngagai Tuhan, kami bejalai baru ke pejalai kami ngagai langkau kain apai kami.

22 Lalu nyadi meh kami nurun ke langkau kain apai kami. Lalu sepengudah aku enggau menyadi ku enggau semoa bilik Ismael udah nurun ke langkau kain apai ku, sida meri terima kasih lalu sida meri korban enggau sedekah angus ngagai iya.

Previous Next

1 Nefi 6

Pasal 6

Nefi nulis utai Allah Taala- Tuju Nefi empu dikena meransang mensia datai ngagai Allah Taala Abraham lalu diselamatka. Kira-kira 600-592 taun S.K.

Lalu diatu, aku, Nefi, enda meri turun-menurun apai ku dalam bagi tu ngitong aku, enda mega bisi barang maia aku deka meri nya sepengudah masa tu atas lambar tu ti aku nulis; laban nya udah diberi dalam ngitong ti disimpan ulih apai ku; nya alai aku enda nulis nya dalam pengawa tu.

2 Laban chukup ngagai aku madah kami ari peturun Yusuf.

3 Lalu ngagai aku nadai penanggul enti aku bejimat meri ngitong penuh semoa utai apai ku, laban aku dekaka endur ni bagi aku ulih nulis utai Allah Taala.

4 Laban pemenoh reti ku ialah awakka aku engka tau meransang mensia datai ke Tuhan Abraham, enggau Tuhan Ishak, enggau Tuhan Yakub, lalu diselamatka.

5 Nya alai, aku enda nulis utai ti ngenyamai ati ngagai dunya, tang utai ti ngenyamaika ati ke Allah Taala enggau urang ti jauh ari utai dunya.

6 Nya alai, aku deka meri pesan ke bala peturun ku, awakka sida nadai ngisi lambar tu enggau utai ti nadai rega ngagai anak mensia.

1 Nefi 5

Pasal 5

Saria merungut enggau Lehi - Seduai gaga ati atas pemulai anak seduai - sida ngaga korban - lambar tembaga nyengkaum penulis Musa enggau nabi - Lambar nya ngelalaka Lehi baka siko peturun Yusuf - Lehi nilit pasal peturun iya enggau pengelikun lambar nya. Kira-kira 600-592 taun S.K.

Lalu nyadi meh sepengudah kami udah mupok ke dalam endur puang ngagai apai kami, peda meh, iya dipenuh enggau pengaga ati, enggau indai ku mega, Saria, gaga ati amat, laban iya tusah ati ketegal kami.

2 Laban iya nyangka kami udah mati ba endur puang, lalu iay merungut enggau apai ku, madah ke iya, siko laki ti melabak utai ke ka nyadi, ko iya: Peda meh nuan udah ngiring kami ari tanah pemai kami, lalu anak kami nadai; lalu kami mati ba endur puang.

3 Lalu nitih chara tu jaku, indai ku merungut enggau apai ku.

4 Lalu nyadi meh apai ku madah ke iya, ko iya: aku nemu aku siko laki ti melabak utai ke ka nyadi; laban enti aku enda meda utai Allah Taala dalam siti genera, aku patut nadai nemu pemanah Allah Taala, tang diau ba Yerusalem, lalu mati enggau menyadi ku.

5 Tang peda meh, aku udah ngulihka tanah disemaia, ni bagi utai aku gaga ati; au, lalu aku nemu Tuhan deka ngelepas anak aku ari jari Leban, enggau mai sida baru ngagai kitai dalam endur puang.

6 Lalu nitih chara tu jaku apai ku udah ngelantang indai ku, Saria, pasal kami, maia kami bejalai dalam endur puang ngagai tanah Yerusalem, dikena ngulih ngitong urang Yahudi.

7 Lalu lebuh kami udah uplai ke langkau kain apai ku, peda meh, pengaga ati seduai nyerapong, lalu indai ku dilantang.

8 Lalu iya bejaku, ko iya: Diatu aku nemu enggau tentu Tuhan udah mesanka laki ku awakka iya rari ke dalam endur puang, au, lalu aku nemu enggau tentu Tuhan udah ngelikun anak aku, enggau meri ke sida kuasa ti chukup dikena nembuk utai ti Tuhan udah mesanka sida. Lalu nitih chara tu iya bejaku.

9 Lalu nyadi meh sida gaga ati amat, lalu sida ngaga korban enggau sedekah angus ngagai Tuhan; lalu sida meri terima kasih ngagai Tuhan Israel.

10 Lalu sepengudah sida udah meri terima kasih ngagai Tuhan Israel, apai ku ngambik ngitong nya ti diukir atas lambar tembaga lalu iya nyerarap nya ari mula.

11 Lalu iya meda sida ngembuan lima bup Musa ti ngaga cherita pengaga dunya, enggau pasal Adam enggau Hawa pen, ti apaindai keterubah;

12 Lalu mega siti ngitong urang Yahudi ari mula, sama belak sampai mula perintah Zedekiah, raja Judah;

13 Lalu mega penilit nabi kudus, ari mula, sampai mula perintah Zedekiah; lalu mega maioh penilit ari mulut Jeremiah.

14 Lalu nyadi meh apai ku, Lehi, mega ngiga atas lambar tembaga siti turn-menurun Yusuf, au, sama belak Yusuf nya ti anak Yakub, ti dijual ke dalam Egip, lalu dilikun jari Tuhan, awakka iya engka ngelikun apai iya, Yakub, enggau semoa bilik iya ari mati ketegal lapar.

15 Lalu sida diiring ari penangkap enggau pansut ari tanah Egip, ulih Tuhan sama nya ti ngelikun sida.

16 Lalu pia apai ku, Lehi, tetemu turun-menurun aki-ini iya. Lalu Leban mega siko peturun Yusuf, nya alai iya enggau aki-ini nyimpan ngitong nya.

17 Lalu lebuh apai ku meda semoa utai tu, iya dipenuh enggau Roh, lalu iya bepun nilit pasal peturun iya -

18 Lambar tembaga tu deka bejalai kin kia ngagai semoa negara, bansa, dilah, enggau rayat ti ari peturun iya.

19 Peda meh, iya madah semoa lambar tembaga tu enda patut dirusak, tauka enda patut nya ngurangka terang nya sepengudah masa. Lalu iya nilit maioh utai pasal peturun iya.

20 Lalu nyadi meh sampai masa tu, apai ku enggau aku udah ngasi pesan ti dipesanka Tuhan.

21 Lalu kami ngulihka ngitong ti Tuhan mesanka kami, lalu kami nyerarap nya lalu tetemuka ia berega amat, naka nya kami ulih ngelikun pesan Tuhan ngagai anak kami.

22 Peda meh, nya penemu dalam Tuhan awakka kami mai nya dalam endur puang enggau kami, maia kami bejalai dalam endur puang ngagai tanah disemaia.