1 Nefi 4

Pasal 4

Nefi munoh Leban atas pesan Tuhan lalu ila ngulih lambar temaga nengah gaya tipu - Zoram milih nitih sebilik Lehi di dalam endur puang. Kira-kira 600-592 taun S.K.

Lalu nya nyadi meh aku berandau enggau menyadi aku, ko: Awakka kitai mupok baru ke Yerusalem, lalu aram kitai talok dalam ngasi pesan Tuhan; laban peda meh, iya lebih bekuasa ari semoa dunya tu, nyadi nama kebuah enda lebih bekuasa ari Leban enggau lima puloh iko iya, au, tauka sama belak enggau sepuloh ribu iko iya?

2 Nya alai, aram kitai mupok; aram kitai kering baka Musa; laban iya bendar-bendar nusi ngagai aik Tasik Mirah lalu nya dibagi kitu enggau kin; lalu aki-ini kitai nyeberai nya, pansut ari penangkap, atas tanah rangkai, lalu bala padang Firaun udah nitih lalu udah lemas di dalam ai Tasik Mirah.

3 Diatu, peda meh, kitak nemu tu amat; lalu kitak nemu mega siko melikat udah madah ngagai kitak; nya alai; nama kebuah kitak enda arap? Aram kitai mupok; Tuhan tau ngelepaska kitai, sama belak aki-ini kitai, dikena munas Leban, sama belak baka urang Egip.

4 Diatu udah aku nusi jaku tu, sida agi ngeringat, lalu agi terus merungut, tang sida nitih aku singga kami sampai di luar tembuk Yerusalem.

5 Lalu maia nya malam; lalu aku ngasohka sida ngelalaika diri di luar tembuk. Lalu sepengudah sida ngelalaika diri, aku Nefi nyengkubang ke dalam menoa nya lalu nuju ke rumah Leban.

6 Lalu aku diiring ulih Roh, enda nemu sebedau nya utai ti aku patut ngaga.

7 Tang aku mupok, lalu lebuh aku mangkang ke rumah Leban, aku meda siko laki, lalu iya labuh ke atas tanah di moa aku, laban iya mabok ngena ai anggor bisa.

8 Lalu lebuh aku sampai ke iya, aku ngulih iya Leban.

9 Lalu aku meda pedang iya, lalu aku nyintak nya pansut ari sarung nya; lalu pemegai pedang nya digaga ari emas tulen, lalu gaya pengelandik tukang nya alus amat, lalu aku meda mata pedang nya digaga ari baja ti pemadu tinggi berega nya.

10 Lalu nyadi meh aku diasoh ulih Roh ngambik ke aku patut munoh Leban; tang aku bejaku di dalam ati ku: nadai kala aku ngirika darah mensia. Lalu aku engkeriut lalu enggai munoh iya.

11 Lalu Roh nusi baru ngagai aku: Peda meh, Tuhan udah nyerahka iya ke dalam jari nuan. Au, lalu aku nemu iya nguji ngambik pengidup kediri empu, lalu iya enda ngasika pesan Tuhan; lalu iya mega udah ngambik utai pemisi kami.

12 Lalu nya nyadi meh Roh bejaku baru ngagai aku: Bunoh meh iya, laban Tuhan udah nyerahka iya ke dalam jari nuan.

13 Peda meh, Tuhan munoh sida ti jai dikena nyadika tuju Iya ti bendar. Agi manah siko laki parai ari siti menoa nyurut serta parai dalam penadai pengarap.

14 Lalu diatu, lebuh aku, Nefi, udah ninga jaku tu, aku ngingat jaku Tuhan, ti iya nusi ngagai aku dalam endur puang, ko iya: Semaioh peturun nuan ngasi pesan ku, sida deka belembong dalam tanah ti disemaia.

15 Au, lalu aku mega nemu sida enda tau nemu ngasi pesan Tuhan nundakka Ukum Musa, kelimpah sida ngempu ukum nya.

16 Aku mega nemu ukum nya diukir atas lambar tembaga nya.

17 Lalu agi, aku nemu Tuhan udah nyerahka Leban ke dalam jari aku dikena tuju tu - ngambik ke aku tau ngulihka lambar nitihka pesan Iya.

18 Nya alai, aku ngasi nyawa Roh, lalu megai bok pala Leban empu, lalu aku mepat pala iya enggau padang iya empu.

19 Lalu sepengudah aku udah mepat pala iya enggau padang iya empu, aku ngambik pegari Leban lalu ngena nya ngagai tubuh aku kediri, au, sama belak tiap-tiap keribau, lalu aku masok baju besi iya ngelingi pinggang aku.

20 Lalu sepengudah aku ngaga tu, aku mupok ke endur nyimpan reta Leban empu, peda meh, aku meda ulun Leban ti megai kunchi endur nyimpan reta nya. Lalu aku mesanka iya dalam nyawa Leban, awakka iya patut mupok enggau aku ke dalam endur nyimpan reta.

21 Lalu iya nganggap aku baka tuan iya, Leban, laban iya medah pegari enggau padang ti besikap ngelingi panggang aku mega.

22 Lalu iya bejaku enggau aku pasal pengatua Yahudi, endang nemu tuan iya, Leban, udah begulai enggau sida maia malam.

23 Lalu aku bejaku enggau iya baka aku Leban.

24 Lalu aku bejaku enggau iya awakka aku patut mai pengukir nya, ti atas lambar tembaga, ngagai menyadi aku, ti diau luar tembuk.

25 Lalu aku ngasoh iya nitih aku.

26 Lalu iya, benung nganggap aku bejaku pasal menyadi ari gerija, lalu aku bendar-bendar Leban ti dibunoh aku, nya alai iya nitih aku.

27 Lalu iya bejaku enggau aku maioh kali pasal pengatua urang Yahudi, maia aku mupok ke menyadi ku, ti diau ba luar tembuk.

28 Lalu nyadi meh lebuh Laman meda aku, iya takut amat, enggau Lemuel enggau Sam mega. Lalu sida rari ari moa aku; laban sida nganggap aku Leban, lalu iya udah munoh enggau nguji ngambik pengidup sida mega.

29 Lalu nyadi meh aku ngangau sida, lalu sida ninga aku, nya alai sida badu rari ari pemisi aku.

30 Lalu nyadi meh lebuh ulun Leban meda menyadi aku, iya bepun getar, lalu iya nyau ka rari ari aku enggau pulai ke menoa Yerusalem.

31 Lalu diatu aku, Nefi siko laki bebadan besai, lalu mega nerima pengering ari Tuhan, nya alai aku naban ulun Leban nya, enggau megai iya, ngambik ke iya enda rari.

32 Lalu nyadi meh aku bejaku enggau iya, enti iya deka ninga jaku aku, maia Tuhan idup, lalu maia aku idup, enti iya deka ninga jaku kami, kami deka ngelepas pengidup iya.

33 Lalu aku bejaku enggau iya, sama belak enggau siti sumpah, awakka iya enda takut, awakka iya siko laki bebas baka kami enti iya nurun ke dalam endur puang enggau kami.

34 Lalu aku nusi ngagai iya, ko: Udah tentu Tuhan mesanka kami ngaga utai tu, lalu enda kami bagas dalam ngasi pesan Tuhan? Nya alai, enti nuan deka mupok ke dalam endur puang ngagai apai aku, nuan deka ngempu endur enggau kami.

35 Lalu nyadi meh Zoram nyadi berani ketegal leka jaku ti aku udah madah. Lalu diatu, Zoram ialah nama siko ulun nya; lalu iya besemaia deka mupok ke dalam endur puang ngagai apai kami. Au, lalu iya mega ngaga sumpah ngagai kami, iya deka diau enggau kami kenyau ari masa tu.

36 Diatu kami bisi pengeram awakka iya patut diau enggau kami ketegal tuju tu, awakka urang Yahudi enda deka nemu pasal pengerari kami ke dalam endur puang, enggaika sida deka nyepar enggau munoh kami.

37 Lalu nyadi meh lebuh Zoram udah ngaga sumpah ngagai kami, pengasai takut kami pen lenyau.

38 Lalu nyadi meh kami ngambik lambar tembaga enggau ulun Leban, lalu pansut ke dalam endur puang, lalu segau-segau bejalai ke langkau kain apai kami.