Tuesday, December 15, 2015

1 Nefi 1

Bup Keterubah Nefi
Siti ngitong ari Lehi enggau bini iya, Sariah, enggau empat anak laki iya, dikumbai (bepun enggau tuai) Laman, Lemuel, Sam, enggau Nefi. Tuhan ngemba Lehi mupok ari tanah Yerusalem, laban iya nilit ngagai urang pasal penyai sida lalu sida dekaka ngambik pengidup iya. Iya ngambik pejalai maia tiga ari. Nefi mai menyadi iya pulai ke tanah Yerusalem dikena ngulih ngitong urang Yahudi. Cherita pemerinsa sida. Sida bebini enggau anak indu Ismael empu. Sida ngambik sebilik sida mupok ke dalam endur puang. Pemerinsa enggau penusah sida dalam endur puang nya. Pejalai sida. Sida datai ke ai sungai besai. Menyadi Nefi ngelaban iya. Iya ngalitka sida lalu nirika siti kapal. Sida ngangau nama endur nya Bountiful. Sida nyemberai ai sungai besai nya ngagai tanah ti udah disemaia, lalu terus ari nya. Tu nundakka cherita Nefi, tauka dalam jaku bukai, aku, Nefi, nulis cherita tu.


Pasal 1
Nefi bepun cherita rayat iya. Lehi meda dalam genera siti tiang api lalu macha ari bup jaku nabi - iya muji Allah Taala, ngayu penatai Juruselamat, lalu nilit pengerusak Yerusalem - iya dikenduan ulih urang Yahudi. Kira-kira 600 Taun Sebedau Kristus.


Aku, Nefi, udah diadaka ari apaindai ti manah, nya alai, aku diajar mimit dalam penemu apai aku, lalu udah meda maioh pemerinsa dalam pejalai aku sepemanjai umor, utang udah dikerinduka Tuhan dalam genap ari aku, au, udah bisi penemu besai pemanah enggau utai dalam Allah Taala, nya alai aku ngaga cherita pengawa sepemanjai umor ku.
2 Au, aku ngaga siti cherita dalam jaku apai aku, ti nyengkaum penemu urang Yahudi, enggau jaku Egip.
3 Lalu aku nemu cherita tu ti aku ngaga ialah amat, lalu aku ngaga nya enggau jari diri empu, lalu aku ngaga nya nundakka penemu diri.
4 Laban nya nyadi dalam terubah taun pertama perintah Zedekia, raja Yerusalem (apai aku, Lehi, udah diau ba Yerusalem maia pengidup iya) lalu dalam taun sama nya bisi maioh nabi datai, nilit ngagai rayat sida patut nyesal ati, tauka menoa besai nya patut dirusak.
5 Peda meh nyadi apai ku, Lehi, maia iya pergi besampit ke Allah Taala, au, sama belak enggau semoa ati iya, ketegal rayat iya.
6 Lalu nya nyadi meh maia iya besampit ngagai Allah Taala bisi datai siti tiang api ti diau ba atas batu di moa iya, lalu iya meda enggau ninga maioh utai; lalu ketegal utai nya ti iya udah meda enggau ninga iya berayang enggau getak maioh.
7 Lalu nya nyadi meh iya pulai ke rumah diri empu ba Yerusalem; lalu iya nikau diri atas katil iya, udah dialah enggau Roh enggau utai ti udah dipeda.
8 Lalu pia iya dialah enggau Roh, iya diambik dalam genera, sama belak iya meda serega tebuka, lalu iya berunding meda Allah Taala duduk atas panggah, dikelingi ari maioh bala melikat ti enda ulih dikira enggau sikap ka belagu enggau muji Allah Taala sida.
9 Lalu nya nyadi meh iya meda Siko nurun ari tengah serega, lalu iya meda penerang Iya lebih ari mata panas maia tengah ari.
10 Lalu iya meda mega dua belas iko bukai nitihka iya, lalu penerang sida ngeluik ari bintang ba langit.
11 Lalu sida nurun lalu mupok ke moa bumi, lalu datai dulu enggau bederi di moa apai aku, lalu meri ke iya siti bup lalu minta iya macha.
12 Lalu nya nyadi meh lebuh iya macha, iya udah dipenuh enggau Roh Tuhan.
13 Lalu iya macha, madah: Adih, adih ngagai Yerusalem, laban aku udah meda penyai nuan! Au, lalu maioh utai apai aku udah macha pasal Yerusalem nya deka dirusak, lalu pendiau pia; maioh deka munas ulih parang, lalu maioh deka nyadi ulun tangkap ba Babilon.
14 Lalu nya nyadi meh lebuh apai aku udah macha enggau ninga maioh utai ti besai serta badas, iya engaih maioh utai ngagai Tuhan baka: Besai serta badas pengawa nuan, o Tuhan Pemadu Kuasa! Panggah nuan tinggi ba serega, lalu kuasa, pemanah, enggau penyinu nuan atas semoa pendiau bumi tu, lalu ketegal nuan kasihka, nuan enggai ngasoh sida munas ti datai ke nuan!
15 Lalu nitihka chara tu jako apai aku dalam pemuji Allah Taala iya; laban ayu iya gaga; ketegal utai ti iya udah meda, au, ti Tuhan mantaika iya.
16 Lalu diatu aku, Nefi, enda ngaga ngitong penuh pasal utai ti apai aku udah nulis, laban iya udah nulis maioh utai ti dipeda dalam genera enggau mimpi; lalu iya mega udah nulis maioh utai ti iya nilit enggau madahka anak iya, ni siti aku enda ngaga ngitong penuh.
17 Tang aku deka ngaga siti ngitong pengawa ku dalam ari aku. Peda meh, aku ngaga siti pemuntang ngitong apai aku, atas lambar ti aku udah ngaga enggau jari diri empu; peda meh; sepengudah aku muntang ngitong apai aku, ila aku deka ngaga ngitong pengidup diri empu.
18 Nya alai, aku dekaka kitak nemu; sepengudah Tuhan udah mantaika maioh utai ngagai apai aku, Lehi, au, pasal pengerusak Yerusalem, peda meh iya mupok ngagai rayat, lalu bepun nilit enggau madahka ngagai sida pasal utai ti iya udah meda enggau ninga.
19 Lalu nya nyadi meh urang Yahudi ngenduan iya ketegal utai ti iya besaksi ngagai sida, laban iya bendar-bendar besaksi penyai sida; lalu iya besaksi utai ti iya udah meda enggau ninga, lalu mega uti ti dibacha dalam bup nya, dinyata enggau nyamai pasal penatai Mesia, enggau penyelamat dunya.

20 Lalu lebuh urang Yahudi ninga utai tu sida nganuka iya; au, sama belak enggau nabi; ti sida muruk, enggau nukuk enggau batu, enggau munoh, lalu sida dekaka mega ngambik pengidup iya, ngambik ke sida ulih naban iya. Tang peda meh, aku, Nefi, deka mantaika kitak penyinu besai Tuhan atas semoa ti Iya udah milih, ketegal pengarap sida, dikena nyadika sida bekuasa sama belak ngagai kuasa pengelepas.

No comments:

Post a Comment

Batang Injil - Tusun 3 - Juruselamat Kitai

Juruselamat Kitai Semina siko aja ke ulih nunjuk ke jalai bakani ulih pulai ngagai di Syurga. Sapa Iya nya? Nama kebuah patut ninga lalu ...